رسالة لوزير الصحة د. خالد عبد الغفار ونقيب أطباء الأسنان د. إيهاب هيكل
،رسالة لوزير الصحة
معظمنا بالفعل دلوقتي عمل توكيلات لأكتر من محامي لمناشدة القضاء للنظر في تكليف الدفعة كاملة دون استثناءات ومازال عدد الي هيرفعوا القضية في زيادة ومعندناش أي شك في عدالة قضاء بلدنا
إحنا دفعة 2023، أطباء أسنان اجتهدنا وسهرنا ودرسنا سنين علشان نوصل للحظة دي، ولما جت لحظة استلام حقنا الطبيعي في التكليف، لقينا نفسنا قدام مصير مجهول!
بكل وضوح وصراحة: مش هنسيب حقنا ومش هنتنازل عن تكليفنا، لا لجزء من الدفعة ولا للدفعة كاملة. التكليف مش منحة، ولا خدمة نطلبها، ده حق قانوني ودستوري لكل طبيب أسنان تخرج واشتغل بضمير علشان يخدم بلده.
ليه التأخير؟ ليه عدم الشفافية؟ ليه تتكرر نفس الأزمة مع كل دفعة؟! إحنا بنطالب بإعلان موعد واضح ورسمي للتكليف فورًا، وبآلية عادلة تضمن لكل طبيب مكانه المستحق.
رسالتنا واضحة: لن نتنازل، ولن نصمت، ولن نسمح بضياع حقنا. ولو مفيش استجابة، هنصعد بكل الطرق المشروعة والقانونية عشان نوصل صوتنا.
